Saturday, October 29, 2005

titli aur phool




madhosh si ek shaam,hawaaye geet gaa rahi thi
chote se ek phool ko titli sehlaa rahi thi.
titli ne phool se poocha,kya aaj mujhe yaad kiya?
phool ne muskuraakar kaha,poora din tumhari yaad me barbaad kiya!
titni ne roothkar apna sundar pankh hilaya
phool ne thanda os ka boond titli par giraya
titli gudgudaai,aur haskar boli..
kyu laate ho apne saath khushiyo ki toli?
kyu nahi reh paati main tumse khafa?
kyu mana lete ho mujhe har dafa?
kyu jhoom uthta hai tumhe dekhkar mera din?
kyu nahi reh paati main tumhe chuey bin?
phool muskuraya,thoda jhuka aur titlu ko paas bulaya
tum aur main, ek hi "hum" ke hain hisse..
"tum aur main" par kitni hain kahaniyaan aur kitne hi kisse
tumhari muskurahat mere dil ko hai khush rakhti
isliye mujhse khafa tum ho hi nahi sakti!
roothne tumhe aata hai, aur manana mujhe,
kaise bataau kitna pyaar karta hoo tujhe!
titli ki aankhon me aasu aaye
sarsara uthi aasuo ke sang hawaaye
"apne dil se mujhe yu hi chaahna..
main jab rooth jaau, mujhe yu hi manana
chalegi sadiyo tak humari kahani
ek pagla sa phool aur ek titli diwani!!"