Tuesday, September 06, 2005

jaane kyu?











Jaane kyu aaj achaanak tumhari yaad aayi
Jaane kyu aaj achaanak ye kaali si ghata chaai
Jaane kyu yu laga ki tum sirhaane aaye,
Jaane kyu aaj achaanak kano me tumhare bol gudgudaaye!

Jaane kyu khwaab me tum yu muskuraaye
Jaane kyu tumhe dekhke laut aaye vo saaye
Jaane kyu wo ehsaas le aaya puraani yaadien
Vo khoobsurat lamhe aur vo pyaari baatien

Kya bhool gaye tum vo pehli mulaaquaat?
Saath chale the jab haathon me leke haath..
Na tumne kuch kaha na humne kuch kaha
Fir jaane kyu pohoch gayi dil se dil tak baat.

Jaane kyu zindgi me tum muskaan bankar aaye..
Jaane kyu tumne mere saare sapne apnaaye.
Agar chod hi jaana tha mujhe aasuo ke saath,
To jaane kyu tumne pyaar ke vo nagme gaaye?

Jab chale gaye ho zindgi se hamesha ke liye
To jaane kyu aaj bhi tumse milne ki aas hai
Jaane kyu bhool nahi paati hoo tumhe
Jaane kyu aaj bhi apne pyaar par vishwaas hai

Kyu chod gaye mujhe tanha rone ke liye?
Apni raato ki neend khone ke liye..
Kya yaad nahi aata vo pyaara sa kal?
Kya bhool gaye ho pyaar me doobey vo pal?

Keh gayi hoo itna sab tumse
Tumhaara kahan dosh hai
Darasal khafa hoo apne aap se
Na chain hai, na hosh hai!

Hamesha tum khush raho
Isi tammanna me jeete marte hain
Poochoge nahi,”jaane kyu”
Kyuki pyaar aaj bhi tumse utna hi karte hain











2 Comments:

Blogger aubrey24deonte said...

Just passing by your blog and though you'd like this website.

11:12 AM  
Blogger robin said...

didnt like it as much as d 1st one...its nice in parts,but more importantly,puts across d feelings very rightly,esp. the feeling of unconditional luv...gr8!!!

2:21 PM  

Post a Comment

<< Home